ट्रम्पको ट्यारिफको काउन्टर गर्न सक्छ नेपाल ?
काठमाडौँ । अमेरिकी राष्ट्रपति डोनाल्ड ट्रम्पले विश्वभर विभिन्न देशबाट आयात हुने वस्तुमा कर (ट्यारिफ) वृद्धिको घोषणा गरे । प्रत्येक देशबाट अमेरिका जाने प्रत्येक वस्तुका लागि ट्रम्पले १० प्रतिशतको बेसलाइन ट्यारिफ घोषणा गरेका छन्, यो ट्यारिफ अप्रिल ४ देखि नै लागु भइसकेको छ ।
यसका अतिरिक्त बिहीबारदेखि ट्रम्पले ५७ देशका लागि अर्को शुल्क पनि लगाउँदै नछन् । त्यो हो, ‘रेसिप्रोकल ट्यारिफ’ । यस्तो ट्यारिफको दर भने एउटै छैन, देश अनुसार ११ देखि ५७ प्रतिशतसम्मको यस्तो दर कायम गरिएको छ । यो देश अनुसार यसको दर फरक फरक कायम गरिएको छ । व्यापारविद् पोषराज पाण्डे अमेरिकाले विभिन्न मुलुकसँग भएको व्यापार घाटाको अवस्थाका आधारमा यस्तो दर निर्धारण गरेको पाइएको बताउँछन् ।